因為星期日做阿戊整餅時剩下了少量奶皇餡，抱著"食得唔好嘥"的心態，便做了這湯丸。要留意, 這不是流心的奶皇啊!!
其實做湯丸真的很方便，只要屋企有糯米粉便可以囉!! 而餡料亦可以很隨意，簡單的可以用朱古力粒或花生醬亦可，如喜歡芝麻的亦可自己動手做，遲一些有機會再詳細寫一下芝麻湯丸吧!!
做湯丸最難的只是做湯丸皮，只要用適當的份量便可, 其實一點都算不上難啊。以前跟媽媽做湯丸，都只是憑感覺去決定水份多少，昨晚特意用磅去量一下水份，給大家作一個參考。
黑糖薑湯珍寶奶皇湯丸 (10大粒)
湯丸材料:
糯米粉 110g
水 95-100g
奶皇餡 200g
黑糖薑湯材料:
黑糖 一粒
薑 6片 <可隨喜好加減薑片數量>
水 500ml
湯丸做法:
1. 先將糯米粉放進小盤中，加入95g水份，用手搓勻要完全搓勻才知道水份夠不夠的)，覺得水份不夠便加入餘下的5g水份。搓好粉糰應該是不沾手，軟軟的。
2. 將奶皇餡平勻分成十份，糯米粉糰亦是平勻分成十份。
<如想做一口一粒，餡料可分成20等份，不過糯米粉糰最好用1.5份量比較容易包餡啊!!>
3. 用一份粉糰包入一粒奶皇餡，搓圓。<超級大粒, 珍寶Size啊!!>
煮湯丸:
1. 預備2個小煲, 一個煮湯丸, 一個煮黑糖薑湯。
2. 黑糖薑湯: 薑放入500ml水中煮滾，轉細火煮5分鐘，加入黑糖煮溶便可。
3. 湯丸放入滾水中煮3-5分鐘至浮起，再煮1分鐘便可熄火。
4. 盛起湯丸，加入黑糖薑湯便可享用。
***
我用的黑糖是朋友送來的，獨立包裝很方便，可以用電話訂購的，詳情大家可以打去問問啊!
黑糖世家 (電話:28152660)