燒牛肉沙律。芝士蕃茄汁焗意粉。蝦醬炒通菜。
好想講,32媽咪爆炒通菜,從此不再水汪汪!
<燒牛肉沙律> 材料: Party剩餘少量沙律菜，3片燒牛肉, 煮燒牛肉的紅酒汁半碗
製法: 燒牛肉切幼絲，紅酒汁煮滾，加入牛柳絲伴勻後熄火，待涼後, 放上沙律菜面，完成。
<芝士蕃茄汁焗意粉>
材料: Party剩餘大蝦鮮茄汁1碗半，意粉100g，芝士3湯匙杯, 煮意粉水¼杯
製法:
1. 焗爐預熱200度，意粉用滾水煮8mins隔水用焗盤盛起，留起煮意粉水待用。
2. 小煲煮滾汁料及¼杯煮意粉水，加入1湯匙芝士煮溶，倒在意粉面上。
3. 舖上餘下2湯匙芝士，入焗爐焗至芝士變金黃即成。
<蝦醬炒通菜>
材料: 打邊爐剩通菜一堆(約半斤)，蝦醬1茶匙用水1湯匙開勻，蒜蓉少許，辣椒1隻切粒，油1湯匙
製法: 開32媽咪鑊30秒，下1湯匙油，待出放射紋及白煙便可落蒜蓉及辣椒快炒即加入通菜及蝦醬水，快炒1½ - 2分鐘便可上碟。