Sally's Kitchen & Bakery: 7月 2013

2013年7月31日星期三

剩食變晚餐

29 July 2013 Party 後的星期一，剩餘食物變身2人晚餐!
燒牛肉沙律。芝士蕃茄汁焗意粉。蝦醬炒通菜。
好想講,32媽咪爆炒通菜,從此不再水汪汪!

鮮茄大蝦意粉 (附食譜)

派對美食，有時真係好傷腦筋!!!

又唔想重複，又想有新意，唔想成日都肉醬意粉，可以考慮下這個鮮茄大蝦意粉!!

材料全部都可以超級市場買，不用走去街市，打風落雨都不怕，多方便!!! 哈!!

我所用的不是新鮮蝦，只是超級市場隨手可得的冰鮮蝦仁，其實真的不太差啊，方便又好味道!!

2013年7月30日星期二

17小時麵包 (附食譜) - KM040

早幾年前都已經見過17小時包包，但一直未試，知道水份較多，一直唔敢嘗試用手搓，直到買咗KM040就好想試整。

第一次整，跟足網上食譜(唔記得抄了那一個，應該都離不開仙姐食譜，哈)，第二次再整，自己改良少少，配合KM040，簡直一發不可收拾，真的不得不做17小時包包呀!!!!! 軟熟程度完全想像不到!!!! 哈!!!

2013年7月29日星期一

17小時包包

有了KM040之後，整包包變得容易得多了!!!!!

第一次試做17小時包包，完全想像不到那種軟熟程度，真的一試便愛上了!!! 遲一點點再分享食譜!!!

紅酒燴梨 (附食譜)

又係朋友屋企食過，一試就愛上了!!!

做PARTY甜品一流，因為可以早一日預備放雪櫃，食時拎出黎配以雪糕就得!! 超方便呀!!!!!

最近幾次派對，朋友們都讚口不絕呢!!!!!!! 哈~

2013年7月27日星期六

27 July 2013 Happy Dinner Happy Time !

朋友到訪，又要試試莎莉廚房！指定想食燒牛肉，okok!!

我愛煮野食，只要我有時間，非常樂意為我愛的朋友下廚!!

********************

是晚莎莉私房菜單：

********************

芝士多士配洋蔥湯。(食譜請按此)
沙律菜。

燒牛肉。(食譜請按此)
鮮茄大蝦意粉。(食譜請按此)

超級珍寶帶子刺身。

紅酒啤梨配雪糕。(食譜請按此)
即製梳夫里。(食譜請按此)

KM40手信之超軟麵包。(食譜請按此)

朋友食得開心，我煮得高興！yeah!!!!!!!

2013年7月26日星期五

韓式燒牛仔骨 (附食譜)

自從係《熊子》屋企食過之後，就好似上癮一樣，實在太太太太好食!! 好食到有一排我個個星期都掛住想食!!!!!

韓式燒牛仔骨，出去韓國燒烤食好貴，成日都食到唔夠喉，自家製原來都好經濟喎!!!!

而製作過程真係一D都唔難呀，最複雜係醃肉!! 哈哈!!

其實都只係醃肉材料比較多吧了!!! 只要買齊所需物品，話咁快就搞掂囉!!! 呵呵!!

2013年7月25日星期四

鬼嫁燒牛肉 (附食譜)

何解我會叫<鬼嫁燒牛肉>??

因為主要係參考[鬼嫁食譜]，不過我冇LC煲，用自己方法調教時間, 又調較咗d味道，不過真係簡單易做又好味，仲要出得大場面嚇得人，哈哈~

短短一個月，係朋友屋企整過，朋友整完帶埋黎開party又試過，自己屋企開party都整過!! 真係易到爆呀!!!!

無論用安格斯牛柳，巴西牛柳，定係加拿大牛柳，其實都一樣好好好好食，當然，安格斯就真係點整都好食架喇!! 嘻!!

2013年7月24日星期三

紅酒燴牛尾 (附食譜)

呢張相係2012年尾整嘅~ 想寫番呢個食譜好耐喇~ 哈~

紅酒牛尾，我其實會好耐先整一次，等到好想好想食先會煮!!

因為。。。物以旱為貴!! 嘻!!

同埋呢個用黎開Party又好好，因為可以一早預備好~ 哈~

LC32媽咪鑊炒菜心

32媽咪鑊炒唔炒到2斤菜呢?!?!

即係其實呢。。。都唔係唔得，好滿咁囉!!

唔知係唔係因為真係太大堆菜喇，唔係好夠鑊氣!!

不過好快，2-3分鐘菜就熟!!

熱鑊，落油，油出煙，落薑蔥，落菜，落鹽!!! 炒3分鐘就食得!!!

如果炒斤半應該好好多!! 下次再試! 哈~

2013年7月23日星期二

威靈頓牛柳Beef Wellington (附食譜)

第一次整威靈頓牛柳。。。
對我黎講唔難，不過好煩。。。
可能期望太高，整完都好食，不過又唔係想像中咁好好好好食。。。

要研究再改良一下，睇吓點樣會更好食。。。
[後記: 用上安格斯牛柳，好味指數立即爆燈!!! ]

22 July 2013 晚上

今日好心急想用吓部新機好想快d感受一吓KM嘅威力！

放工一返屋企就準備開機，同時間又要準備晚餐！
（因為唔可以掛住玩而廢寢忘餐架嘛！）

一心二用之下，哈碌情況就出現喇！

量好材料，放入攪拌盤，安好攪拌勾，開機！！！

太興奮太緊張，好開心咁望住個麵團攪攪攪之時，20mins後睇見麵糰已成形，突然發覺未落酵母

咁點算呢點算呢???? 唔理三七廿一，即刻暖水開酵母再加多少少麥粉繼續搓搓搓......

第一機唔可以失敗架嘛!!!!!!!!!!!!!!!!!!!!!!!!!!!!!!!!

3小時後..... 麵包出爐!!! 都OK喎!!! 即刻試食。。。。。

非常滿意!!! 哈碌之下都有咁嘅效果, 夠軟熟夠彈性!!! 正呀!!!

KM040, 我真係愛C妳呀!!!!!! 以後要辛苦妳喇!!!! YEAH!!!!!!!!!!!!!!!!!!!!!!!!!!!!!!!!!

繼續努力整多D好野食!!!!!!!!!!!!!!!!!!!!

2013年7月22日星期一

22 July 2013 即慶突然4人晚餐

突然決定KM040開光!!! 突然朋友《熊子》同熊仁先生作客!! 突然4人晚餐!!!

放工落大雨，唔想行去街市, 即實行屋企有咩煮咩嘅晚餐!!! 哈哈!!

好在朋友唔介意!!! 我應該仲要多謝你地黎幫我清一清個雪櫃，等我可以再入貨，哈~

其實都真係幾豐富呀!!!!! yeah!!!

雪櫃有Party食唔哂嘅沙律菜，另外仲有少少雜果 = 雜果沙律

有酥皮，有火煺，仲有少量芝士 = 火煺芝士酥皮卷

冰箱有肉眼扒存貨, 加上仲有紅酒汁 = 香煎牛扒配紅酒汁

雪櫃有隔夜洋蔥磨菇汁, 洋蔥1個, 蕃茄6個, 煙肉4條, 急凍蝦仁 = 鮮茄大蝦意粉

2013年7月21日星期日

20 July 2013 白老鼠牛牛牛大餐

睇食譜睇得太多，手痕痕心癢癢好想試整威靈頓牛柳!!!!
就即興咁叫咗班朋友齊齊做白老鼠!!! 哈哈!!!
咁除咗威靈頓牛柳，我都預備咗好多美食嘅!!! 哈~
多謝一班朋友俾面，莎莉廚房會繼續努力!!!! yeah!!!

2013年7月18日星期四

餐肉煎蛋包, 腸仔包 (附食譜)

餐肉煎蛋包/ 腸仔包 (約12個)

17-July-2013
突然手癢癢，一屋麵包香!!! 心血來潮, 食飽飯無野做, 天氣涼涼地又不太熱, 搓包去!!!!!
原來, 我真係好耐好耐無手搓麵包了，因為一搓....真係會汗流浹背呀!!!!!
這一次，搓了一份半材料，一共18個包包!!! 哈~
搓完包包出一身汗, 就當減肥吧，哈哈, 爽呀!!!

2013年7月17日星期三

洋蔥湯 (附食譜)

洋蔥湯, 唔好俾個名厄咗，煲完出黎係冇辛辣嘅洋蔥味, 只有洋蔥嘅香甜味，真係值得一試呀!!!!材料簡單，但需要很多耐性!!

2013年7月16日星期二

點解我會擁有第一個LC呢??

煮野食，的確令人開心，跟朋友同事討論美食、煮食就更開心!!!

其實，幾年前開始已接觸LC - Le Creuset, 感覺好重同埋好貴!! 從未諗過自己會去買一個、擁有一個!!!!

直至最近，多了朋友討論LC，上網資訊又豐富咗，再加上朋友介紹下認識了《鬼嫁BLOG》，又加入了一個FB的敗婦谷《Le Creuset X Miele X 敗家情報專區》, 慢慢接觸多咗，開始心陏陏想敗一個!!!

時機來到了，中環旗艦店3週年，於6月28日-7月14日，憑身份證號碼有3字就半價!!!! 我有呀我有呀!!!! 我身份證號碼有3字呀!!!