椒鹽九肚魚 (附食譜)

昨天放工返到去新墟街市都只是6:30pm，今日街市好像特別早收檔，周圍都沒什麼好買，真的不知煮什麼好了!! 

突然間，有個阿姐大叫: "十蚊兩斤十蚊兩斤, 十蚊兩斤九肚魚呀, 快d賣完收檔呀!!!!" 精神為之一震，心想有冇咁平呀???? 仲要好新鮮，所以即刻買兩斤煮咩都好。最初只想滾個湯，但後來相公話想食椒鹽九肚魚，咁又要開鍋油喇(其實我都好想, 哈!)，呢次真係炸開有條路呀!!!!! 哈哈!!!

椒鹽九肚魚，炸佢一鑊熟！

是日晚餐，椒鹽九肚魚配白灼小唐菜，加碗米粉，不得了呀！XD
椒鹽九肚魚蘸上喼汁or沙律醬都好正呀!!! 唔蘸都得，好熱氣但好好好好味呀))))))))

椒鹽九肚魚

材料:
九肚魚      2斤
鹽              半茶匙
胡椒粉      2茶匙
鷹粟粉      1杯
椒鹽          適量
辣椒粉      適量 (怕辣可省去)
炸蒜          適量
油             一鍋

做法:
1. 九肚魚剪去頭開2洗淨, 用布或廚房紙抹乾水份, 用鹽及胡椒粉醃10分鐘。

2. 每一條都要沾上鷹粟粉，要完全沾上。

3. 滾油，慢慢加入已沾上鷹粟粉九肚魚，大火炸6分鐘至硬身，取出。
(如開小鍋油便要分開幾次炸)

 
4. 再燒滾油，再放入九肚魚炸第二次，約4-6分鐘至金黃取出。

 
5. 上碟, 平均灑上椒鹽, 辣椒粉, 炸蒜, 便可。