韓式炆豬軟骨 (附食譜) -LC25Oval

一直都係炆煮牛類多，很少去炆豬排豬肉豬軟骨!! 

 

今次之所以炆豬軟骨，主要係因為早前買了一樽韓式豬BBQ醬，又加上有朋友到訪一同開餐，所以就一於試一試，煮一煮!!! 其實呢類韓式醬，真的非常之方便呀!!!!!

韓式炆豬軟骨味道其實好好味，很好下飯啊!! 我及朋友都很喜歡，看著朋友一件接一件，感覺實在高興!!!  可是......相公還是不愛豬軟骨，好傷心，我覺得佢對豬軟骨係有偏見，這樣的炆煮方式，佢只獨愛韓式牛肋條，哼!!


韓式炆豬軟骨 (4-5人份量)

材料：   
豬軟骨         2磅
甘荀             3-4條  
白蘿蔔         半個
洋葱             1個 
蒜頭(切片)   3粒   
梨                 1個  
水                  約300ml  
韓式豬肉汁  1枝 (759有售, $18.5)像

(今次買了2.5磅豬軟骨，太大煲太滿了, 用2磅最好)

製法:
1. 蒜頭切片, 洋蔥切件, 梨去皮去心切小粒, 甘荀及白蘿蔔去皮切件備用。

2. 豬軟骨出水，洗淨備用。

3. 起鑊落油(我用LC煲)，爆蒜片及一半洋蔥炒香。

4. 再加入豬軟骨炒香。

5. 加入水及汁料， 如未能蓋面可自行加水，加入梨粒，煮滾後加蓋轉小火炆20分鐘。

6. 然後加入白蘿蔔及甘荀，加蓋小火再炆20分鐘。

7. 最後加入剩餘一半洋葱加蓋再炆15分鐘即成，試味如覺味道不夠，可加鹽調味，我覺得可以，所以沒有再調味。