派對日期: 26 Aug 2016
慢煮大大件牛仔骨很久之前已經想試了，今次終於記得買而又記得煮。哈~
放工回家煮大餐慶祝，有慢煮神棍幫手，輕輕鬆鬆煮出豐富的一餐！
辛苦開蠔的你們！
放工回到家已經6時許，大家分工合作洗生蠔開生蠔，牛仔骨就在我上班前8:30am已經開始慢煮，所以已經煮了10小時，可以說是完成了，只欠煎封上碟!!
我就在廚房埋頭苦幹煮煮煮，先煮湯，然後再處理薯蓉，沙律菜朋友已經洗好切好帶來，所以已經沒有甚麼要做了，8pm 就可以開餐囉~~~
慶祝朋友米生日好快樂！YEAH!!!
<莎莉廚房煮大餐>
生蠔7打
蕃茄薯仔湯
車厘茄沙律菜
芝士焗薯蓉
慢煮牛仔骨
慢煮羊架
山打根大蝦意粉
香蕉朱古力生日蛋糕
安格斯牛仔骨 (4磅) 5-6成熟
材料:
我買的是急凍美國安格斯牛仔骨 ，重量4磅 。
調味:
黑椒 1茶匙 (可按個人喜好加減)
雜香草Mixed Herbs(乾) 1湯匙
迷迭香Rosemary(乾) 1湯匙 (可用新鮮的)
做法:
1. 在前一天已放進雪櫃的普通格溶雪解凍，到慢煮前1小時從雪櫃取出放室溫回溫。
2. 加入黑椒及香草乾，然後用真空袋放好牛仔骨，用真空機包好。
3. 低溫慢煮棒放在已注入水的大煲內調較好所需溫度，水份要足夠蓋過牛仔骨，當達到指定溫度後便可放入已真空的牛仔骨。
[因應牛的生熟程度去決定溫度; 因應牛的厚度去決定烹煮時間]
我今次調較了攝氏57度，因為牛仔骨有骨，比牛扒要高溫一點，烹煮8-10小時。
4. 當8-10小時後，牛仔骨從真空袋取出，放上已燒至非常熱的鑊中煎封及邊位，同時間用火槍火燒骨位，大約煎約2分鐘，便可上碟。
5. 粉紅色的中心，完美的5成熟啊!!
* 厚切安格斯牛仔骨我在那裡買? 就是跟斧頭牛扒一樣啊!!!
我家住屯門，我是在屯門新墟街市(雲和凍肉, Tel: 24598492)買的，$56/磅，要多厚就請老闆切多厚啊!!<2016 August 價錢>
其實除了牛仔骨/斧頭牛扒，我有很多食材都是在這凍肉店買的，有羊膝 / 羊架 / 三文魚等等，當然最基本的雞扒/ 雞翼 / 豬頸肉 都有啦~~~
其他慢煮食譜:
[低溫慢煮] 黑毛豬扒配黑椒汁/蒜蓉汁 - 食譜請按此
[低溫慢煮] 香草羊架 - 食譜請按此
[低溫慢煮] 斧頭牛扒 - 食譜請按此
[低溫慢煮] 18小時香草羊膝 - 食譜請按此
[低溫慢煮] 刁草三文魚 - 食譜請按此
[低溫慢煮] 香草雞胸 - 食譜請按此
[低溫慢煮] 黑椒鹹豬手 - 食譜請按此
