莎莉低糖迷你奶皇月餅（附食譜）

點解我會做呢款月餅呢???

其實係因為一位朋友跟我說爸爸有糖尿病，問我可唔可以幫佢整無糖月餅。但無糖...又點會好食呢?!?! 我就提議不如用代糖啦!! 始終都係第一次整，唔知好唔好，份量又唔知得唔得，我都係試驗之下整咗，都算成功啦!! 其實我都唔知糖尿病食唔食得我呢款月餅，但起碼糖份已減半，咸蛋黃亦減半，牛油一半份量改用橄欖油，相對正常的會較好吧!!!!  希望這特別的月餅能帶給朋友的家人一個歡樂的中秋節！

下次有多少少時間準備，我一定會試用埋低脂淡忌廉, 低脂奶及低脂奶粉，做一款更健康的低糖奶皇月餅。

莎莉低糖迷你奶皇月餅（16個）

＜奶皇餡＞  [要預先一晚預備]
淡忌廉         76克
烘焙代糖     20克
雲尼拿條     半條
椰汁　　     80克
鮮奶             40克
牛油　　     20克
橄欖油         26克

吉士粉　     50克
奶粉　         56克
鮮奶             30克

雞全蛋　 50克（約1隻）
雞蛋黃　 30克（約2隻）
烘焙代糖  20克

鹹蛋黃　　4隻

＜月餅皮＞
烘焙代糖     20克
牛油　　　 60克
橄欖油         70克
雞蛋　　　 22克
花奶　　　 25克
低筋麵粉　 252克
吉士粉　　 17克

＜掃面糖水＞
烘焙代糖10g + 水10g ,煮滾後熄火放涼備用。

＜鹹蛋黃 ＞
用約1/2 茶匙白蘭地撈勻，入180度焗爐焗約10分鐘，放涼後用食物處理器攪碎備用。

[製作圖片可參考莎莉迷你奶皇月餅]

先做月餅餡：
1. 將吉士粉及奶粉過篩備用。
2. 雞蛋、蛋黃打散，加入20克糖拌勻，再加入30克奶攪勻，再加入吉士粉及奶粉拌勻，備用。
3. 將椰汁+40克奶+淡忌廉+牛油+橄欖油+20克糖及雲尼拿條以細火煮滾，邊煮邊攪拌。
4. 煮滾後過篩加入#2中拌勻。
5. 滾水落鍋蒸 15-20分鐘，拿出撈勻，略搓，攤凍即成奶皇餡，放入雪櫃雪一晚，備用。

做餅皮︰
1. 室溫放軟牛油+橄欖油加入糖用打蛋器打至發身浮起，然後分2-3次加入雞蛋及花奶，打勻。

2. 然後分3-4次加入已篩麵粉及吉士粉，慢速攪勻。放入雪櫃雪一小時。

組合月餅：
1. 焗爐預熱230度。(我家焗爐)
2. 奶皇餡從雪櫃取出，加入鹹蛋黃碎搓勻，分成16份約30克一粒，備用。
(如發覺奶皇餡不夠滑身，可用食物處理器打2mins)

3. 月餅皮粉糰從雪櫃取出，分成16份約30克一粒，備用。

4. 每粒粉糰包入1粒奶皇餡，月餅先撲上小量麵粉，光滑一面放入月餅模中造型。留意餅模一定要灑上足夠麵粉(又不能太多)，以免黏着月餅皮。

5. 月餅入爐先焗 5分鐘，取出月餅掃薄薄一層蛋漿（全蛋），吹乾約 10分鐘後，再掃一層蛋漿，然後再入爐焗 4分鐘，取出掃一層糖漿，最後焗一分鐘。大功告成。

小貼士:
1. 發覺焗爐一定要夠熱[又不可過熱]及用對流風才減低瀉下(象腳)情況出現，大家不防留意。
2. 想月餅上的花紋清晰，掃蛋漿時一定要薄薄的掃。