晚餐@小酒窩餐廳

自從上年朋友介紹去過之後，一直都好想再去嘅一間餐廳，但始終遲遲未有行動。遲遲遲...遲到。。。竟然快要違忘咗。。。。哈!! 小酒窩餐廳係一間印度fusion餐廳，印度菜crossover西餐，有驚喜!!

琴晚跟朋友因事要到佐敦一行，本想簡簡單單去食澳洲牛奶，但原來因為中秋節連放兩日假，唔知食咩好之下突然醒起呢間餐廳，就抱住沒有訂位又唔知要唔要等位嘅心態行過去喇。

好彩時間尚早，去到只係6點半左右，唔使等，我地3個人就可以入坐喇!!! yeah!!!!

3個人，可以叫的食物不多，但其實樣樣都好想食! 哈~

我地叫咗: 蕃茄羅勒Risotto。薯仔菠菜配香蒜Naan。咖哩角。四季Pizza。

食物全都夠熱，要讚!! 

蕃茄羅勒Risotto: 好香濃蕃茄味，微酸，唔膩，感覺令人回味。份量亦足夠，唔似其他餐廳，一人一啖就食哂。我地3個人，如果用碗黎計每人都有大半碗架!!!
薯仔菠菜: 薯仔好稔，醬汁都好多香料味，配上Naan, 一流。
咖哩角: 酥脆，相比之下味道算淡，但沾上特式醬汁又好好味了。
四季Pizza: 令人一試難忘嘅Pizza，配料多，芝士夠，仲配以Sour Cream及Sweet Chili Sauce, 正!!

好好味，好滿足的一餐，一間好用心對待食物嘅餐廳小店，我一定不要違忘，耐不耐要再黎幫襯先得!!!!