睇定D情況再決定出動日期。
但。。。在網絡上看見開倉第一日的"戰況"，真的被嚇怕了。
排隊，打尖，搶貨，互罵。。。。。。
直到早兩日，"戰況"好像冇咁可怕，跟朋友商量不如一齊出戰。
心知我地一定唔會晨早流流6,7點走去排隊，就決定放半天假，下午去見識吓!!!!
抱住一個可能唔會買到心頭好嘅心態，今日下午就去咗LC開倉，我地一行3人1點半到達香港富豪酒店，地面人龍都只係得10個左右，咁我地就決定排，排咗一陣就可以去冷氣房繼續排，結果排咗差唔多1個鐘就入得喇!! 可能我地幾個傾吓講吓，1個鐘好似好快就過咁! 哈!!
入到開倉場地，冇想像中咁多人，冇想像中咁混亂!!! 感覺良好，好開心呀!!!!
地方唔算大，唔知有冇2個排球場咁大!!
我目標都係買個細煲，第一個睇中嘅係20cm Round French Oven (Fennel茴香色)銀Knob，就係因為係銀Knob，我唔捨得放底呢個煲，結果當然跟咗我走啦!!!! 哈哈哈哈哈!!!!
之後再幫朋友睇吓佢想買嘅stoneware, 都有好多粉紅粉藍，睇佢買得咁開心我都好開心!!!
其實今次最想買嘅係25cm Oval French Oven，正當想放棄尋找之時，突然有一個Lime色混咗係一堆26cm Round嘅煲入面，咁啱仲俾我見到，即時又再攞係手中，諗咗一陣，就決定帶埋佢返屋企。嘻嘻!!!
最後就係個焗盤，24cm Oval Dish (Light Purple)，因為之前打爛咗一個，所以想買番!!! 其實我覺得呢個焗盤唔算好平，但係可接受嘅價錢，話哂都係有牌字嘛!!!!
就係咁無心插柳之下，莎莉廚房增添了新成員！連我自己都估唔到！哈!
一共2煲+1焗盤!! YEAH!!!!!
20cm Round French Oven(Fennel) <$1330>
25cm Oval French Oven (Lime) <$1330>
24cm Oval Dish (Light Purple) <$150>
