我說過要分享這食譜的。
上次在朋友家吃過的黑胡椒炒蟹，他是用現成醬料包去煮的，當時已經覺得味道好好，但我沒有買現成醬料包，想試試自行調味。
我自己炒得最多的是薑蔥炒蟹，但自從初三在朋友家吃過黑胡椒炒蟹後，心思思好想自己試炒!!! 今次就趁著人齊團拜的十人大餐試煮一次，嘻!! 剛巧行街市又碰上靚蟹，3隻蟹有3斤重, 沒有不煮的理由啊!!! 蟹真的非常大隻，我不夠力氣跟大隻蟹縛鬥，便找來相公幫忙幫忙，相公把蟹劏好我便出動煮煮煮!!
材料除了蟹之外, 主要是用黑胡椒碎, 薑, 蔥, 蒜, 生抽, 老抽, 紹興酒，份量都是隨手落，粗略估計記錄寫下這食譜，希望大家都喜歡(其實怕自己忘記了, 所以要急急記下)!!!!
<黑胡椒炒蟹>
材料:
肉蟹 3隻 (約3斤)
配料:
薑 12片
蔥段 3-4棵 切段約2吋 (分開蔥白"前段", 青蔥"尾段")
蒜頭 5粒 略拍
乾蔥頭 5粒 切粒
洋蔥 1個 切粒
青紅尖椒 各2隻 去籽切件 <怕辣的可用三色椒代替>
黑胡椒粒 5湯匙 (用攪拌器打碎 / 或直接用黑胡椒碎)
油 約3湯匙
麻油 約1湯匙
調味:
豉油 2湯匙
老抽 1湯匙
紹興酒 半杯 (不想落太多酒可用一半水份代替, 但全用酒較香)
雞粉 1茶匙
冰糖 2小粒
芡汁: (可按情況不加亦可)
生粉 2茶匙
水 1湯匙
製法:
1. 蟹，劏好，取去胃囊和鰓，斬件，用牙刷洗淨。(不懂劏可叫蟹販代勞, 當然即劏即煮最好)
2. 開鑊落油及麻油，大火燒熱鑊至出白煙，落薑，乾蔥, 蒜粒及蔥白炒約2分鐘。
3.然後落一半黑胡椒碎炒約1分鐘至香味四溢。
4. 再落蟹身蟹鉗大火爆炒約2分鐘至少許轉色。
5. 加入紹興酒，豉油, 老抽及雞粉炒勻，落冰糖略炒。
6. 將蟹蓋加入至鑊最底部，滾起後加鑊蓋中小火焗6-8mins。（視蟹件大小以作加減時間）7. 開蓋後試味(如汁料味道不夠可自行加調味), 加入青蔥段, 青紅尖椒及餘下的黑胡椒大火炒約1-2分鐘，,如想汁料濃杰可適量加入生粉水埋芡炒勻，便可上碟。
