第一次接觸呢個麵，係朋友去完新加坡買返黎做手信送咗俾我試，試過之下就愛上了，因為真係好有新加坡果種食叻沙嘅味道。哈~
但我又唔會成日食，因為都唔平，一個即食麵要$20以上 ，都咪話唔貴!!! 但對比起出街食碗叻沙，咁又平喎!!! 呵!! 通常我係見到超級市場減價先買定幾個，嘻!!!
尋晚相公話想食叻沙，又去買埋餸加料，因為我放工有野做，返到屋企都差唔多8pm, 心諗好彩都係煮麵食姐，點知一入屋就聞到叻沙味，原來相公已經就啱時間煮好喇~~~ 哈~
凍冰冰有個超富豐富窩心叻沙食，暖上加暖!! yeah!!!!!
我地最鍾意1個喇沙2份食，因為1個真係好大個，同埋我地又鐘意加料再加料!! 哈~
有大蝦、魚蛋、蟹柳、牛丸、花卷、豆卜、芽菜!! 超級豐富同超級好味呀!!
