紅酒燴梨 (附食譜)

又係朋友屋企食過，一試就愛上了!!!

做PARTY甜品一流，因為可以早一日預備放雪櫃，食時拎出黎配以雪糕就得!! 超方便呀!!!!!

最近幾次派對，朋友們都讚口不絕呢!!!!!!! 哈~

材料:
啤梨     5-6個 (宜買生一點的)
紅酒     750ml
水        750ml 
冰糖     400g 
肉桂     2支 
月桂葉  3-4片 
橙皮     大半個 (可不用)

做法:
1. 將紅酒, 水, 冰糖, 肉桂, 月桂葉, 橙皮放入大煲內煲滾。
2. 加入己去皮啤梨。
3. 待滾起後轉細火炆約1小時至啤梨軟身(記緊不可用大火煲，啤梨會爛掉的)。

4. 檢查啤梨軟度適中便可熄火室溫待涼。
5. 放入雪櫃8-12小時雪凍，食時配上雲利拿雪糕，風味更佳。

切開看見酒紅色的圍邊，很美啊!!!