大家去泰國，唔知會唔會周街食野呢????
我同相公就最鍾意掃街!! 哈哈~~~
記得多年前去泰國，就在酒店樓下有小販檔賣呢個香蕉班戟，因為即製即食，又真係超好食!! 自此之後每次去泰國，見到都會買黎食囉!! 呵!!
其實見到佢地所用嘅材料並唔複雜，就係一件麵糰, 加牛油, 加雞蛋, 加香蕉, 然後煎至香脆，再加上朱古力醬同練奶，真係好好味呀!!!!!! 有機會去泰國嘅朋友未試過一定要試下囉!!
今次呢檔位於芭堤雅，實在足料又好食, 食足3晚呀!!!! 哈~
價錢都只係40baht, 即約HK$10。
