突然相約，6個大人2個小朋友，9餸海鮮餐!!!! 下午決定，5pm到街市!!!跟本係挑戰我的極限!!!!!
買完餸返到屋企已經接近6:30pm, 竟然8pm可以開飯，連我自己都估唔到!!!!!!! 真係快速摩打手，痴咗線呀！真係極速！唔好問我點完成，我都唔知！XD
再一次感受到32媽咪嘅威力!!! 今次用盡32媽咪!!!! 第一次用"32媽咪"連炒幾樣餸!!
炒完一樣，用滾水煲一煲, 卒一卒，倒掉，抹乾再煮另一樣！
32媽咪煮：菜, 賴尿蝦，蝦, 蜆 & 蟹
今次煮得太趕急，有機會再詳寫食譜。
**************************************************************************
我的極速海鮮餐秘訣(盡量記下) 如果我有第三隻手，肯定影相記錄，哈~
首要條件, 你可以一心多用 !!!!!!!!!! 及要善用時間!!!!
<5:00pm>
邊買海鮮時在腦內想一想烹調方法，記得買齊配料。如時間許可最好寫在紙上逐樣買齊。
(我沒有寫, 因為時間不足)
<6:00pm>
買齊海鮮材料後, 搭車回家時就要開始想一想先後次序，煮那一樣先，那一樣後。
<6:30pm>
返到屋企第一時間洗花螺，第一樣就煮佢先，因為要浸浸先入味!!
邊煮就邊切蒜, 薑, 蔥,辣椒, 乾蔥頭, 豆豉, 浸粉絲, 浸蜆。
一邊切就一邊分好每樣餸要用嘅材料，用小碗小碟起備用。
我習慣用不銹鋼小碗，因為廚房細，不小心撞跌都不會一地玻璃碎!!!
例如:
切完薑蔥蒜，再處理海鮮。
趁爐頭空檔，要記得預先煲好一大煲滾水，備用。記得要洗米煲飯。
魚，要洗淨，略抹乾水，放在碟上，備用。
蝦要洗淨，開背去腸，我習慣用鉸剪一把過剪鬚剪腳開背挑腸，快!!!
然後用小筲萁隔水盛起，備用。
賴尿蝦略沖水洗淨，用筲萁隔水盛起，備用。
蟹，我沒有先處理，因為打算最後才吃，所以煮前先再處理，但要記得準備好配料。
<7:30pm>
雞翼買醃好的，落鑊煎熟(約10mins)便可上碟，上碟後可放進微波爐或焗爐保溫(不用開)，或直接於焗爐焗熟。
<7:40pm>
朋友到達，好像已經處理得8899，只欠菜還沒洗，朋友想幫助，可惜廚房太細，還是快快手浸5分鐘洗過便煮!!
(我知道菜要浸30mins才洗更好, 但, 沒時間嘛! 哈!)
收拾餐桌預備開飯。
<7:50PM>
開火。雙爐頭。
因預先煲好大滾水，滾水落鑊蒸魚12mins, 熄火焗2mins。
另一邊翻滾辣酒煮花螺(這時候還洗菜中)，花螺滾後盛起上碟。
預熱32媽咪，預備炒菜心。2mins完成上碟。盛一大碗滾水洗媽咪鑊，加蓋滾起熄火。32媽咪倒水抹乾，落油爆炒賴尿蝦，炒至9成熟落蒜蓉辣椒椒鹽調味炒熟熄火上碟，上枱。盛一大碗滾水洗媽咪鑊，加蓋滾起熄火放一旁。空出爐頭用小鑊煮滾油。
辣酒煮花螺, 蒜茸炒菜心, 香煎雞翼, <8:00pm> 上枱。
椒鹽賴尿蝦<8:10pm>上埋枱........ 4樣，開飯。
清蒸大海斑蒸熟，放上蔥段，淋上滾油及豉油。<8:15pm> 上枱。大鑊繼續蒸<蒜茸粉絲貴妃蚌>3mins，<8:22pm>上枱。食到差不多又再煮，32媽咪倒水抹乾，落油煎香大蝦碌(約4mins)，落豉油皇汁料熄火上碟,<8:40pm>上枱。盛一大碗滾水洗媽咪鑊，加蓋滾起熄火。
32媽咪倒水抹乾，落油爆炒蜆，炒至半開口落豉椒，炒熟熄火上碟, <8:55pm>上枱。盛一大碗滾水洗媽咪鑊，加蓋滾起熄火。
此時，各人已經進食縵慢，哈，派出C6劏蟹，有時間慢慢洗蟹，炒蟹。
32媽咪倒水抹乾，落油爆炒蟹件，落薑蔥蒜，調味, 酒，放入蟹蓋，加蓋小火焗8mins，開蓋大火炒2mins，再落蔥段，上碟，<9:35pm>上枱。
<10:15pm> 清枱，樣樣都食清光，對於廚師=即係我， 就最開心，食埋飯後果就各自歸家去。
粗略記錄完畢。
