海鮮餐，有好多預備工夫，要想出一d簡單易做又好味嘅海鮮，呢款鮑魚真係一個好好嘅選擇，因為真係簡單到你唔信！
好多朋友食過都問點整，簡單用四個字講哂：買，洗，蒸，凍，食得！
哈哈哈哈哈！食時配上Wasabi豉油，又是另一番風味！
人少少可以一人一隻原隻上碟，如果突然人多了，一人一隻唔夠分咁點算好？可以將鮑魚切片，好似食刺身咁切開一片片，每人可以夾多幾次次餘又唔怕唔夠分咁介！係一個好好嘅頭盤！
材料：
鮑魚 8隻
製法：
1. 用小刷將鮑魚洗刷乾淨。
2. 煲大滾水蒸10-12分鐘至熟。
3. 取出鮑魚放涼。
4. 去殼去腸去內臟。
5. 放入雪櫃冷凍（下格）最少1小時。
6. 食時放好上碟或切片上碟，即成。
