早兩日同朋友出街食晚餐，叫咗個黑松露燴飯，味道尚可，可惜唔夠熱，好想快快手自己做一個黑松露飯或意粉。
今晚心陏陏，就參考＜玻璃珠食譜＞，改變了少少，做了這個雜菌黑松露温泉蛋意粉，簡單到難以置信，好食到不得了！
如果覺得整温泉蛋麻煩，可以煎隻太陽蛋或不加蛋, 一樣好味。哈！
我沒有蒸爐，只有焗爐，我用自己方法去試整温泉蛋，第一次，大成功，好開心呀！
整温泉蛋主要工具：温度計
用63-65度水煮40-45分鐘就整到。可用各種方法。
而我，係用温度計 + 小煲 + 焗爐。無錯係焗爐，哈！
雜菌黑松露温泉蛋意粉 [2-3人份]
材料：
蛋2-3隻
意粉 300g
雜菇 300g (切細)
乾蔥 2粒 (切片)
胡椒粉 1/2茶匙
雞湯 150ml
黑松露醬 2湯匙
黑松露油 1湯匙
溫泉蛋製法：
1. 我家小焗爐預熱100度。
2. 從雪櫃取出雞蛋，室温放10分鐘，用水喉水清洗一下。
3. 雞蛋放入小煲，加入水至蓋過蛋面。
4. 開小火慢慢加熱至65度。
5. 用入爐小碗裝著雞蛋及65度水，水要蓋過蛋面。
6. 放入焗爐約30分鐘，取出，放室温繼續浸10分鐘。
7. 倒去暖水，用室温水浸10分鐘。
8. 取出雞蛋，打落小碗便成，備用。
注意：用焗爐焗蛋期間，水一定要蓋過蛋面，及不時要用温度計測試水温要夠65度，如過高或過低就要調較一下爐温。
意粉製法：
1. 意粉用大滾水加2茶匙鹽及少許油(材料外)煮6分鐘(或跟包裝指示減2分鐘)，隔水備用。
2. 燒熱鑊，落油，加入蒜片及乾蔥頭炒香，用大火炒約1分鐘。
3. 加入雜菇繼續炒香，用大火炒約1分鐘。
4. 雞湯要慢慢遂少分4次加入，加了兩次雞湯，加入鹽及胡椒粉調味，再加入餘下雞湯，煮菇至9成熟。
5. 加入意粉炒2分鐘。
6. 加入黑松露醬炒勻後熄火，再加入黑松露油，炒勻後可上碟。
7. 意粉上碟後，小心倒上温泉蛋，用少量黑松露醬裝飾。
食時我喜歡撈勻温泉蛋及意粉同吃，真的好香好香，好滑好滑。
食完好想好快再食呀!!!!!! 正呀~~~ 真係回味無窮
