蝦醬炒通菜 (附食譜)

有了LC32媽咪鑊, 炒菜炒餸從此不一樣，除了鑊氣好，不再是加鑊蓋焗熟食物，是真的炒熟食物，感覺愈來愈好，同LC32媽咪愈來愈夾。哈!!

用咗LC32媽咪鑊個幾月，開始慢慢習慣煮食方法，因為同平時煮法有少許不同，尤其是炒菜，只要愈了解，便愈得心認手了。

炒菜好像沒甚麼特別，但記得以前用普通生鐵鑊炒菜。。。。。。
最少要8分鐘以上，同埋炒完菜好像烚菜一樣，一鑊都係水，現家轉用LC32媽咪炒菜，5分鐘內一定完成， 仲要冇咩水份走出黎，真係好高興，哈!! 亦發覺32媽咪最理想係炒1斤菜，1斤半都可以，2斤有點吃力，但亦可接受。可看看之前的<爆炒2斤菜心>

究竟LC32媽咪鑊炒菜同一般有咩唔同呢???

一直以來，我地用普通生鐵鑊炒菜都係: 燒熱鑊, 落油, 油熱便落薑/蔥/蒜, 再落菜炒炒炒5-8分鐘。

而家用LC32媽咪鑊，係燒熱鑊，落油，油熱至出白煙，落菜，先至再落薑/蔥/蒜/調味， 再炒炒炒2-3分鐘。快。靚。正。


都係果句老士話"識得用其實真係好好用"。我誓要善用LC32媽咪，繼續煮更多更好、更美味嘅餸菜，除咗屋企個媽咪，我愈來愈愛LC32媽咪呀!!!!!!!!


蝦醬炒通菜

材料:
通菜1.5斤
蒜粒 6-8粒(切碎)
辣椒 3-4隻(切粒)
蝦醬 2茶匙
水 3湯匙

製法:
1. 蝦醬用水開勻，備用。菜洗淨，備用。

2. 燒熱鑊，落油，油熱至出油紋及出白煙。

 

3. 再落菜，隨手就落蒜茸及辣椒粒，略炒。

4. 再落蝦醬水炒勻至熟，上碟。