BBQ唔可以冇雞翼，燒雞翼...我鍾意食.....
因為太愛食辣嘅關係，BBQ亦都想整D辣辣雞翼過癮一下，食得辣嘅朋友們食過都大讚呀!!!! 唔食得辣嘅朋友忍唔住要食，食咗一啖就辣到要狂飲水呢!! 所以，要有心理準備先好挑戰我呢個辣辣雞翼呀!!! 就算唔係BBQ，開Party 用焗爐焗都一樣得架!!! 不過兩樣都試過之後，發覺真係用炭燒會香D同埋辣D喎!!! 哈~
做法其實毫無難度，最難係要買醬料。哈~
當正常醃完普通雞翼之後，就加入朋友送的台灣"橋頭麻辣醬"及"一個辣字" 辣醬，效果真係想像唔到咁好味呀!!!! 其實如無呢D辣醬，用其他麻辣醬都應該得，不過呢隻"一個辣字"真係好辣，好正，暫時仲未搵到其他可以代替!!!!! 下次去台灣要再入貨先得!!!
材料:
雞翼 12隻
醃料:
鹽 ½ 茶匙
糖 1 茶匙
豉油 1 茶匙
胡椒粉 ½ 茶匙
花椒粉 ½ 茶匙
辣椒粉 ½ 茶匙
橋頭麻辣醬 1½茶匙
"一個辣字" 辣醬 1茶匙
做法:
1. 雞翼解凍, 洗淨抹乾，放入保鮮袋。
2. 加入所有醃料， 按摩1分鐘，醃最少2小時，隔夜更好。
4. 雞翼放在架上，皮向下，入爐焗15分鐘，取出反轉，掃上一層醃料。
5. 再入爐，關上爐門後加熱至200度焗10分鐘即成。
6. 或直接用炭燒至熟。
台灣醬料係台北以下地點可以買到:
橋頭麻辣醬
地址: 台北市敦化南路一段157號2樓
電話: 886-2-27775608
一個辣字
地址: 台北市金山南路二段6號
電話: 2394-8823 / 2394-5745
